சமூக ஆதாரநிலை அம்சம் 25% முக்கியத்துவம் மற்றும் 4 பிரிவுகள் கொண்டது. அவை: அடையாளம் & கலாச்சாரம், கல்வி, உடல்நலம் மற்றும் பாதுகாப்பு
சராசரி தரவரிசையில் முன்னிலை வகிக்கும் 5 நகரங்களையும் இப்பிரிவுகளில் ஒப்பிடுகையில் மிகப்பெரிய இடைவெளி அடையாளம் & கலாச்சார நிலையில் நிலவுகிறது. ஏனைய 3 பிரிவுகளில் சிறிய இடைவெளிகள் நிலவுகின்றன
விழுக்காடுகள் அடிப்படையில் அடையாளம் & கலாச்சார நிலையில் 35% இடைவெளியும், கல்வி நிலையில் 13% இடைவெளியும், உடல்நலம் நிலையில் 15% இடைவெளியும் பாதுகாப்பு நிலையில் 11% இடைவெளியும் நிலவுவதாகக் கணிக்கப்பட்டுள்ளது.
அடையாளம் & கலாச்சாரம் தொடர்பான கணிப்புகளில் வரலாற்றுச்சிறப்பு வாய்ந்த கட்டிடங்களை சீரமைப்பதற்காகவும், சுற்றுசூழல் முக்கியத்துவம் வாய்ந்த பகுதிகளைப் பாதுகாக்கவும், ஹோட்டல் தங்கு வசதிகளை மேம்படுத்தவும், கலாச்சார/விளையாட்டு நிகழ்வுகள் நடத்தவும் அதற்கான நிதி ஒதுக்கீடு விவரங்கள் பெறவும் திட்டக் குறியீடுகள் பயன்படுத்தப்பட்டன.
திட சாதனங்களுக்கான ஆதாரநிலையின் முக்கியத்துவம் 45% ஆகவும் 9 பிரிவுகளைக் கொண்டதாகவும் உள்ளது.
திட சாதனங்களுக்கான ஆதாரநிலையின் 9 வேறுபாடுகளில், முன்னிலை வகிக்கும் 5 நகரங்களில் குறியீட்டு நிலையில் 3வது இடம் பெற்று மற்றவைகளில் 6 இடங்கள் பின்தங்கியுள்ளது.
மாசுக்கட்டுப்பாடு மற்றும் தரிசு நிலங்கள் பயன்பாடு ஆகிய அம்சங்களில் சராசரியாக முன்னிலை வகிக்கும் 5 நகரங்களைவிட சென்னை மாநகரின் செயல்பாடு அதிகத்திறன் கொண்டதாக விளங்குகிறது. மேலும், போக்குவரத்துத் துறையில் குறிப்பிடத்தக்க செயல்திறனுடன் முன்னிலை வகிக்கிறது.
மின்சார விநியோகம் மற்றும் வீட்டுவசதித்துறை ஆகிய அம்சங்களில் நிலவும் வேறுபாடுகளே தரவரிசை மதிப்பீட்டின் பின்னடைவுக்கான காரணங்களில் முதன்மை வகிக்கின்றன.
சராசரி மதிப்பீட்டுத் தரவரிசையில் முன்னிலை வகிக்கும் 5 நகரங்களை ஒப்பிடும்போது வீட்டுவசதித் துறை மற்றும் மின்சார விநியோகம் ஆகிய அம்சங்களே தரவரிசையில் மிகப்பெரிய இடைவெளியை ஏற்படுத்தக் காரணமாக உள்ளது என்பது தெளிவாகத் தெறிகிறது.
விழுக்காடுகள் அடிப்படையில் இடைவெளிக்கான காரணங்களாக வீட்டுவசதி மற்றும் அத்துறை தொடர்பான கூடுதல் அம்சங்கள் 87% மற்றும் மின் விநியோகம் 40% என்று கணக்கிடப்பட்டுள்ளது.
எனினும், தரிசுநிலப் பயன்பாடு, போக்குவரத்து போன்றவற்றில் சென்னை மாநகரம் முறையே 17% மற்றும் 15% என்ற தரவரிசையில் இடம் பெற்று முன்னிலை வகிக்கிறது.
