மாற்றுத்திறன் கொண்ட குழந்தைகளுக்காக தொடு உணர்வு முறையில் அவர்களுக்குத் தேவையான வசதிகளை வழங்கும் நோக்கத்துடன் வடிவமைக்கப்பட்டதுதான் சென்சரி பூங்கா.

இப்பூங்காவில் நச்சுத்தன்மை அற்ற தாவரங்கள், சிலை மற்றும் சிற்ப வடிவங்கள், நடப்பதற்கும் நகர்வதற்கும் உதவும் கைப்பிடிகள், விளையாடவும் பொழுதுபோக்கவும் வசதியாக வடிவமைக்கப்பட்ட அலங்கார நீர்வீழ்ச்சிகள், நூலிழை தொடு அட்டைகள் (touch-pads) பெரிய கண்ணாடித் திரைகள், பார்வைத் திறனாளிக் குழந்தைகளுக்கான சமிக்ஞைக் குறியீடுகள் மற்றும் ஒலி அமைப்பு வசதிகள் ஆகியவை அமைக்கப்பட்டுள்ளன.

நலமும் வளமும் நிறைந்த சூழலில் வருகை புரிந்து கொஞ்சி விளையாடும் குழந்தைகள் தங்களை மறந்து அவர்களுக்கான பிரத்தியேக உலகில் மகிழ்ச்சியில் திளைத்திட உதவும் வகையில் சென்சரி பூங்கா வடிவமைக்கப்பட்டுள்ளது.